"Tambo njoo unisaidie. Nimeshalishika lile jisamaki kubwa linaloogelea huru mawinguni bila ya kumeza ndoana limemeza ndoana ... Njoo unisaidie kulivuta jisamaki hili... Je, sikukwambia, Tambo, kwamba kamwe si mbali tena?"
Katika riwaya hii kila kizazi kinapitia nyakati mbalimbali zinazoathiriwa na usasa. Ina hadithi za watu wanaolishana halua au shubiri. Ndani ya hadithi hizo mnaibuka usuria, utumwa, mapenzi motomoto, wakati wa mporomoko na wakati mpya, ukimbizi wa mtu-kwao, dini ya aina moja inayosimamia dini zote. Wanawake wanakusanya nguvu na hatimaye kukata minyororo. Zaidi ya yote hayo ni miujiza inayooneshwa na wahusika ... Haya yote yanasimuliwa na hadithi nyingi katika hadithi moja inayokuzwa na kurambishwa utamu wa lugha.
Profesa Said A. Mohamed ni mwandishi maarufu wa fasihi ya Kiswahili. Vitabu vingine alivyoviandika ni pamoja na Kivuli kinaishi, Kiza katika Nuru, Dunia Yao, Kiti cha Moyoni na Kitumbua kimeingia mchanga.